主页 > C超生活 >6岁生日！蔡少芬细女愈大愈似靓妈咪 网友：成个「迷你版蔡少芬 >

6岁生日！蔡少芬细女愈大愈似靓妈咪 网友：成个「迷你版蔡少芬

2020-08-11

现年45岁的蔡少芬(Ada)喺08年同内地演员张晋结婚，先后育有两名女儿张楚儿(Zoe)和张信儿(Chloe)，日前係细女信儿6岁生日，蔡少芬事后分享温馨全家福，唔少网友睇完都话信儿有如「迷你版蔡少芬」咁，两母女好似样！

有女万事足嘅蔡少芬同张晋抽空为细女信儿庆祝6岁生日，佢哋分享咗两张温馨全家福，唔少网友睇完都话Chloe愈大愈似Ada！

两公婆準备咗个立体大蛋糕畀囡囡，而廿四孝爸爸张晋亲自操刀为女儿影相留念，睇佢几认真！

搵番Ada细个嘅相，係咪同Chloe好似样呢？

两个女生日好多时都喺主题乐园搞，真係紧要过自己生日㗎！

45岁的蔡少芬1989年前参加超模大赛，两年后参加港姐获得季军而加入无綫拍剧，当时以最年轻视后夺得无綫第二届视后(夺奖时为25岁）。

蔡少芬与前中国武英级运动员，现为内地艺人的张晋于2008年结婚，虽然都有继续拍剧，不过就减少演出的机会。

继第一季嘅内地真人骚《不可思议的妈妈》弹起咗Yumiko个得意囡囡梁浸浸之后，新一季又到喇，今次港妈代表係蔡少芬，由佢带住7岁嘅大女楚儿同5岁细女信儿接受不同挑战！蔡少芬 (Ada) 平时落手落脚凑女，相信上真人骚都难佢唔到，应该唔会好似Yumiko对梁浸浸咁冇晒符。Ada仲每集都悉心为两个囡囡打扮姊妹装，由髮型到衣着都衬埋一样。

其实Ada唔使上真人骚，都证明佢绝对係一位不可思议的妈妈，日前细女幼稚园毕业，Ada帮囡囡打扮成公主一样，着住天鹅裙加皇冠，一定成为全场焦点！

Ada仲亲手整咗啲小食返学校，顺道庆祝父亲节，一整就几十人份量，由以前嘅地狱厨神，因为两个女变成今日嘅厨神，仲唔係不可思议？

Ada因为喺《甄环传》做皇后娘娘喺内地人气高企，能够请到佢已经唔係易仲要凑住两个女，相信有关方面用足诚意同金钱！

蔡少芬两个囡囡首次喺电视上曝光，睇吓佢哋今次要接受乜嘢挑战？

Ada为两个囡囡悉心打扮，不但衣着到一式一样，连辫子髮型都係姊妹装！

Ada和张晋的5岁细女张信儿近日幼稚园毕业，两公婆齐齐送信儿去幼儿园，更特别为女儿打扮成公主返学，真係有心思！前一晚，Ada仲趁囡囡瞓咗觉，就赶工亲製翌日学校party嘅食物！

唔止係廿四孝妈妈，之前Ada为咗细女学校的七十年代主题，仲为囡囡特製衣着，好似变魔术一样，话变就变，果真係不可思议的妈妈！

早前为细女楚儿庆祝5岁生日，为囡囡化身仙子，当然又係出自Ada之手啦！

为配合主题，两公婆仲喺囡囡生日会上，大扮独角兽，认真有童真！

早前，张晋44岁生日，过生日除咗有老婆蔡少芬陪伴之外，仲有一班好友一齐出席生日饭局，当日寿星仔上载咗一张大合照，大家笑得几开心。

蔡少芬趁住520嘅日子，喺个人社交网上载两张相，并留言：「昨天是你的生日，亲爱的@张晋max能陪着你过生日，真的太棒了！感恩。。。！爱要大喊出来！520。。。。。。。。 ​​​​」认真甜蜜！

08年，Ada同张晋结束爱情长跑，更生下两位女儿张楚儿﹑张信儿，去年1月12日係佢哋结婚十周年，佢哋为咗纪念呢个大日子，佢哋着番当年嘅婚纱同礼服同两个囡囡影全家福，二人更留言道：「十年前的今天，我娶了你，这十年里有风、有雨、有彩虹，还有俩捣乱的。十年前的婚纱和礼服，今天还能穿，让我们保持身材，继续风雨同路，看看下一个十年还能不能穿。」

十年后，着番十年前嘅婚纱同礼服，Ada更加好似食咗防腐剂咁，冇乜走样，真係注颜有术！Ada更公开答谢老公嘅爱：「感谢天父，时间过得太急速了！十年有喜有忧有趣有怒一切一切都是满满的爱！如没有主的恩典，这个家不可能如此缤纷！往后每一日，我们也会继续坚爱，也谢谢极品张晋max，爱你啊！」so sweet！

每逢农曆新年，好多名人都会带埋小朋友齐齐出动拜年，个个星二代换上贺年装，真係喜庆十足！一齐嚟睇吓今年星二代嘅拜年装扮啦！

上一篇：6岁男孩31根手指脚趾[附图]
下一篇：6岁男孩不幸病逝...爸妈在他房间发现留下的一张超感人纸条.

推荐文章